*सावंतवाडीत मोफत पोलीस,आर्मी,वनविभाग व इतर स्पर्धा परीक्षांचे मार्गदर्शन शिबिराचे आयोजन.*
* प्रतिनिधी : अभिजित पवार यवतमाळ *
*🎴सिंधुदुर्ग, दि- १४:-* स्पर्धा परीक्षांची तयारी करणाऱ्या तसेच पोलीस भरती,आर्मी भरती,वनविभाग भरती आणि इतर विविध सरकारी भरतीची तयारी करणाऱ्या युवक-युवतींसाठी ज्ञानसिंधू प्रबोधिनी व अश्वमेध स्पोर्ट्स अकॅडमी, सावंतवाडी यांच्या संयुक्त विद्यमाने मोफत मार्गदर्शन शिबिराचे आयोजन करण्यात आले आहे.
हे शिबिर रविवार, दि. १९ जुलै २०२६ रोजी सावंतवाडी पोलीस मैदान येथे आयोजित करण्यात आले असून, इच्छुक विद्यार्थ्यांनी या सुवर्णसंधीचा लाभ घ्यावा, असे आवाहन आयोजकांनी केले आहे.
शिबिरामध्ये उमेदवारांना ग्राउंड प्रशिक्षणासह लेखी परीक्षेचे सर्वंकष मार्गदर्शन दिले जाणार आहे. ग्राउंड प्रशिक्षणामध्ये १६०० मीटर रनिंग, १०० मीटर स्प्रिंट, गोळाफेक, ५ किमी धावणे तसेच शारीरिक तंदुरुस्तीबाबत तज्ज्ञांचे मार्गदर्शन करण्यात येईल.
शिबिराचे वैशिष्ट्य म्हणजे संपूर्ण मार्गदर्शन १०० टक्के मोफत उपलब्ध करून दिले जाणार आहे. अनुभवी प्रशिक्षकांचे मार्गदर्शन, शारीरिक व लेखी परीक्षेची संयुक्त तयारी, योग्य नियोजन,यशस्वी भरतीसाठी आवश्यक दिशा या सर्व गोष्टी एका व्यासपीठावर विद्यार्थ्यांना मिळणार आहेत. या शिबिरासाठी मर्यादित जागा उपलब्ध असल्यामुळे “प्रथम येणाऱ्यास प्रथम प्राधान्य” दिले जाईल. यासाठी नावनोंदणी बंधनकारक आहे.त्यामुळे इच्छुक उमेदवारांनी लवकरात लवकर नावनोंदणी करून या मार्गदर्शन शिबिराचा लाभ घ्यावा. अधिक माहितीसाठी 87673 96532/ 95943 18795 या नंबरवर संपर्क साधा.
