(मौदा तालुका प्रतिनिधी)
“आता उपचारासाठी शहर गाठण्याची गरज नाही, आरोग्य सेवा आलीच घरोघरी!” अशा जल्लोषात मौदा तालुक्यातील धानला-चिरव्हा जि.प. सर्कलमधील चिरव्हा येथे नव्याकोऱ्या प्राथमिक आरोग्य केंद्राचा लोकार्पण सोहळा रविवार दि. ९ नोव्हेंबर रोजी दिमाखात पार पडला. महाराष्ट्राचे महसूल मंत्री तथा जिल्ह्याचे पालकमंत्री चंद्रशेखर बावनकुळे आणि माजी आमदार टेकचंद सावरकर यांच्या हस्ते फीत कापून व फलकाचे अनावरण करून या सुसज्ज केंद्राला जनतेसाठी खुले करण्यात आले.
सकाळपासूनच गावात उत्साहाचे वातावरण होते. ढोल-ताशांच्या गजरात, फटाक्यांच्या आतषबाजीत आणि फुलांची उधळण करीत मान्यवरांचे जंगी स्वागत करण्यात आले. पालकमंत्री बावनकुळे म्हणाले, “ग्रामीण भागातील प्रत्येक नागरिकाला दर्जेदार आरोग्य सुविधा मिळावी हेच राज्य सरकारचे स्वप्न आहे. चिरव्हा येथील हे केंद्र त्या दिशेने एक ठोस पाऊल आहे! ” माजी आमदार टेकचंद सावरकर यांनी भावूकपणे सांगितले, “आज माझ्या डोळ्यांसमोर गावाचा विकास होताना पाहून खूप आनंद होतो आहे. हा विजय गावकऱ्यांचा आहे!”
कार्यक्रमाची रंगत वाढवली ती उपस्थित मान्यवरांच्या उपस्थितीने!
याप्रसंगी प्रामुख्याने अनिल निधान, निशा सावरकर, भारती सोमनाथे, मुकेश अग्रवाल, नरेश मोटघरे, चांगोजी तिजारे, तिलक दंढारे, खुशाल तांबडे, विनायक शहारे, शरद भोयर, मोरेश्वर सोरते, राजू सोमनाथे, मुन्ना चलसानी, भूषण सावरकर, शिवराज मोथरकर, वैद्यकीय अधिकारी डॉ. रेवती साबळे, डॉ. इनामदार, डॉ. हेमके, डॉ. नंदेश्वर, डॉ. पल्लवी साबळे यांच्यासह संपूर्ण कर्मचारी वर्ग आणि कार्यकर्ते उत्साहाने सहभागी झाले होते.
अत्याधुनिक उपकरणे, स्वच्छ दालने, २४ तास आपत्कालीन सेवा आणि समर्पित डॉक्टरांच्या टीममुळे चिरव्हा आणि परिसरातील शेकडो गावांना आता आरोग्य सुविधा हाकेच्या अंतरावर मिळणार आहेत. गर्भवती माता, ज्येष्ठ नागरिक आणि लहान मुले यांना याचा सर्वाधिक फायदा होणार आहे. लोकार्पणानंतर गावकऱ्यांनी टाळ्यांचा कडकडाट करीत मान्यवरांचे आभार मानले. फुलांचा वर्षाव, मिठाईचे वाटप आणि जल्लोषात संपन्न झालेल्या या सोहळ्याने चिरव्हा गावाने आरोग्य क्षेत्रात
चिरव्हा आता आरोग्यदूत गाव ठरले!
ग्रामीण महाराष्ट्राच्या विकासाला गती देणाऱ्या या ऐतिहासिक सोहळ्याला उपस्थित राहिलेल्या सर्वांचे मनापासून आभार सरपंच विनायक सहारे व उपसरपंच चांगोजी तिजारे यांनी मानले आहे.
